Vande Bharat Express : पुणे-नांदेड Vande Bharat Express लवकरच धावणार! मराठवाड्याच्या विकासाला मिळणार ‘सुपरफास्ट’ गती
पुणे तसेच नांदेडवासीयांसाठी मोठी आनंदाची बातमी समोर आली आहे. बहुप्रतिक्षित पुणे-नांदेड वंदे भारत एक्सप्रेस वर्षाअखेरीस सुरू होण्याची दाट शक्यता आहे. या सेमी-हायस्पीड ट्रेनमुळे मराठवाडा आणि पश्चिम महाराष्ट्र यांचा रेल्वे प्रवास सुपरफास्ट होणार असून, यामुळे राज्याच्या विकासाला मोठी चालना मिळणार आहे.
रेल्वेमंत्र्यांकडून सकारात्मक संकेत:
नांदेडचे खासदार रवींद्र चव्हाण यांनी पुणे-नांदेड Vande Bharat Express साठी केंद्रीय रेल्वेमंत्री अश्विनी वैष्णव यांची भेट घेऊन पाठपुरावा केला होता. या भेटीनंतर रेल्वे मंत्रालयाने प्रस्तावाची दखल घेत सकारात्मक प्रतिसाद दिला आहे. डिसेंबरपर्यंत ही सेवा सुरू होण्याची शक्यता असून खुद्द रेल्वेमंत्र्यांकडून याबाबत सकारात्मक संकेत मिळाले आहेत.
प्रवासाच्या वेळेत मोठी बचत:
नांदेड-पुणे या सुमारे ५५० किलोमीटरच्या मार्गावर वंदे भारत एक्सप्रेस सुरू झाल्यास प्रवाशांचा प्रवास सुपरफास्ट होणार आहे. सध्या या मार्गावर प्रवासाला अधिक वेळ लागतो, मात्र वंदे भारतमुळे हा प्रवास केवळ ७ तासांवर येणार आहे. मराठवाडा आणि पुणे यांच्यातील प्रवासाचा वेळ कमी झाल्याने रेल्वे प्रवाशांना मोठा दिलासा मिळणार आहे.
कुठे मिळणार थांबा?
या वंदे भारत एक्सप्रेसला नांदेड, लातूर आणि धाराशिव येथे थांबा मिळण्याची शक्यता आहे.
वंदे भारतच्या सुविधा आणि अंदाजित भाडे:
- ही सेमी-हायस्पीड ट्रेन आधुनिक सुविधांनी सुसज्ज असणार आहे:
- एसी चेअर कार
- हाय-स्पीड वाय-फाय
- आरामदायी सीट्स
- प्रगत सुरक्षा यंत्रणा
अंदाजित तिकीट भाडे (रुपयांमध्ये):
- चेअर कारचे भाडे: रु. १५०० ते १९००
- एक्झिक्युटिव्ह क्लासचे भाडे: रु. २००० ते २५००
दिवाळीनंतर वेळापत्रक जाहीर होण्याची शक्यता:
मंत्रालयाकडून या गाडीचे वेळापत्रक तसेच उद्घाटनाची तारीख दिवाळीनंतर जाहीर होण्याची शक्यता वर्तवली जात आहे.
राज्याच्या विकासाला मिळणार हातभार:
ही वंदे भारत सेवा सुरू झाल्यास मराठवाडा आणि पश्चिम महाराष्ट्र यांच्यातील दळणवळण अधिक गतीमान होईल. कृषी, शिक्षण, उद्योग आणि पर्यटन अशा सर्वच क्षेत्रांसाठी ही ट्रेन फायद्याची ठरणार असून राज्याच्या एकात्मिक विकासाला चालना मिळेल.
(सद्यस्थितीला मुंबई-नांदेड मार्गावर वंदे भारत एक्सप्रेस आधीच सुरु आहे, आता पुण्याहून ही सेवा सुरु होत असल्याने मराठवाड्याच्या रेल्वे जाळ्याचा विस्तार होणार आहे.)
