नवी दिल्ली -२०/५/२३
कर्नाटक विजयानंतर मुख्यमंत्रीपदावरुन सुरू असलेल्या नाट्यवर अखेर पडदा पडल्याचे पाहायला मिळत आहे.
मुख्यमंत्री पदावरुन सिद्धरामय्या आणि डीके शिवकुमार यांच्यामध्ये रस्सीखेच सुरू होती. डीके शिवकुमार मुख्यमंत्री पदासाठी अडून बसल्याने हायकमांडसमोर मोठा पेचप्रसंग उभा राहिला.
अखेर काँग्रेस अध्यक्ष मल्लिकार्जुन खरगे यांच्यासोबत सोनिया गांधी आणि राहुल गांधी यांनी मध्यस्थी केली.
आता WhatsApp वरमिळवाब्रेकिंगन्यूज, जॉब अपडेट्स आणि महत्वपूर्ण माहिती! त्यासाठी क्लिक करा आणि जॉईनकरा. https://bit.ly/3UoK7E0
सूत्रांचे म्हणणे आहे की मुख्यमंत्रिपदावर दावा सांगणारे डीके शिवकुमार खरगे आणि गांधी कुटुंबाने, विशेषत: सोनिया गांधी यांनी त्यांना पूर्ण सन्मान आणि सर्व प्रश्नांचे निराकरण करण्याचे आश्वासन दिले तेव्हा त्यांनी माघार घेतली.
काँग्रेसने गुरुवारी सकाळी अधिकृतपणे जाहीर केले की सिद्धरामय्या कर्नाटकचे मुख्यमंत्री असतील आणि प्रदेश काँग्रेस कमिटीचे अध्यक्ष डीके शिवकुमार नवीन सरकारमध्ये ‘एकमेव’ उपमुख्यमंत्री असतील.
बेंगळुरूमध्ये 14 मे रोजी काँग्रेसचे तीन निरीक्षक सुशील कुमार शिंदे, जितेंद्र सिंह आणि दीपक बाबरिया यांनी आमदारांची भेट घेतली आणि गुप्त मतदानाद्वारे त्यांचे मत जाणून घेतले.
यानंतर 15 मेपासून दिल्लीत चर्चेच्या फेऱ्या सुरू झाल्या आणि 17 मेच्या रात्री उशिरापर्यंत खलबतं सुरू होती. काँग्रेसचे सरचिटणीस केसी वेणुगोपाल आणि पक्षाचे राज्य प्रभारी रणदीप सुरजेवालाही या चर्चेत सक्रिय होते.
आता WhatsApp वर मिळवा ब्रेकिंग न्यूज, जॉब अपडेट्स आणि महत्वपूर्ण माहिती ! त्यासाठी क्लिक करा आणि जॉईन करा. https://bit.ly/3UoK7E0
सिद्धरामय्या सोमवारी दिल्लीत, डीकेंनी घेतला वेळ
हायकमांडने सिद्धरामय्या आणि शिवकुमार या दोघांनाही दिल्लीला बोलावले.
सिद्धरामय्या सोमवारीच दिल्लीत पोहोचले. मात्र, प्रकृतीचे कारण देत शिवकुमार त्या दिवशी दिल्लीत आले नाहीत.
यानंतर परिस्थिती गुंतागुंतीची वाटू लागली. दुसऱ्या दिवशी मंगळवारी शिवकुमार दिल्लीला पोहोचले.
खरगे, सुरजेवाला आणि वेणुगोपाल यांच्याशी चर्चा केल्यानंतर दोन्ही नेत्यांनी बुधवारी काँग्रेसचे माजी अध्यक्ष राहुल गांधी यांची भेट घेतली आणि त्यानंतर चर्चा अंतिम टप्प्यात पोहोचली. सूत्रांचे म्हणणे आहे की, सध्या शिमल्यात असलेल्या सोनिया गांधी यांनी सिद्धरामय्या आणि शिवकुमार यांच्याशी बोलून खरगे आणि राहुल यांना हे प्रकरण लवकर सोडवण्यास सांगितले.
सोनिया गांधींशी बोलल्यानंतर डीके शिवकुमार यांची माघार
सोनिया गांधींशी बोलल्यानंतर शिवकुमार यांनी माघार घेतल्याचे सूत्रांनी सांगितले.
काँग्रेसच्या सूत्रांनी दिलेल्या माहितीनुसार, शिवकुमार मुख्यमंत्रीपदावर ठाम होते.
त्यांनी तीन वर्षे अथक परिश्रम केले असून, अध्यक्ष असताना पक्षाला दणदणीत विजय मिळाला, त्यामुळे त्यांना महत्त्वाचे पद मिळाले पाहिजे, असे ते म्हणाले.
सूत्रांनी सांगितले की, राहुल गांधींनी दोन्ही नेत्यांना एकत्र बसून प्रकरण मिटवण्यासाठी खरगे यांची भेट घेण्यास सांगितले.
यानंतर खरगे, सिद्धरामय्या आणि शिवकुमार यांना वेणुगोपाल आणि सुरजेवाला यांना भेटण्यास सांगण्यात आले.
काही अटी पूर्ण, शिवकुमार हे एकमेव उपमुख्यमंत्री असतील
सरकारमध्ये ते एकमेव उपमुख्यमंत्री असतील आणि पुढील एक वर्ष प्रदेश काँग्रेस कमिटीच्या अध्यक्षपदी राहतील आणि त्यांना पूर्ण सन्मान मिळेल, या आश्वासनावर शिवकुमार तयार झाल्याचे सूत्रांचे म्हणणे आहे.
गांधी परिवार आणि पक्षाप्रती असलेल्या समर्पणामुळे त्यांनी माघार घेण्याचा निर्णय घेतल्याचे शिवकुमार यांच्या निकटवर्तीयांचे म्हणणे आहे.
ब्युरो रिपोर्ट ,एम डी टी व्ही न्यूज ,नवी दिल्ली
