शहादा तालुक्यातील दुचाकी चोरट्याना शहादा पोलिसांनी जेरबंद केले असून,त्याच्या ताब्यातून एक लाख ५२ हजार रुपये किमतीच्या पाच मोटारसायकली जप्त करण्यात आल्या आहेत. आठ दिवसांपूर्वीच टोळीकडून १५ मोटारसायकली पोलिसांनी जप्त केल्या होत्या.
दरम्यान, गेल्या आठवड्यात शहादा पोलिसांनी मोटारसायकली चोरणाऱ्या एक टोळीला अटक केली होती. त्यांच्या ताब्यातून १५ मोटारसायकली जप्त केल्या होत्या. मात्र, यातील प्रमुख सूत्रधार हा अद्यापही पोलिसांच्या हाती लागत नव्हता.
शहादा पोलिसांना मार्फत मिळालेली माहितीनुसार, शहादा तालुक्यातील दूधखेडा येथे राहणारा गणेश पांडू पवार (वय ३५) हा मोटारसायकल चोरी करत होता. शहर व परिसरात त्याने अनेक मोटारसायकल चोरी केल्या असल्याचे समजले. पथकाने त्याच्यावर पाळत ठेवून त्याला डोंगरगाव रस्त्यावर सापळा रचून ताब्यात घेतले. त्याने मोटारसायकल चोरीची कबुली दिली. त्याच्या ताब्यातील पाच मोटारसायकली जप्त करण्यात आल्या. शहादासह नंदुरबार शिरपूर पोलिस ठाण्यात याबाबत गुन्हे
दाखल आहेत.
- Trump Vs Modi : एका फोन कॉलची किंमत ५००% टॅरिफ? मोदी-ट्रम्प यांच्यातील ‘कोल्ड वॉर’ सुरू..!
- Maharashtra Expressway – ‘समृद्धी’नंतर महाराष्ट्राला मिळणार ‘पुणे-बंगळूर’ ग्रीन फील्ड…!
- Shreyas Iyer ची प्रकृती चिंताजनक सिडनीतील रुग्णालयात ICU मध्ये उपचार सुरू..!
- देशाचे ५३ वे सरन्यायाधीश कोण ? CJI Gavai यांनी सुचवले मोठे नाव..
- बारावीच्या विद्यार्थ्यांसाठी Maharashtra Schools चा मोठा निर्णय! एक्झाम फॉर्म भरण्यासाठी आता ‘या’ तारखेपर्यंत मुदतवाढ
सदरील कारवाई पोलिस अधीक्षक पी. आर. पाटील, अपर पोलिस अधीक्षक नीलेश तांबे, उपविभागीय पोलिस अधिकारी दत्ता पवार यांच्या मार्गदर्शनखाली पोलिस निरीक्षक शिवाजी बुधवंत, उपनिरीक्षक छगन चव्हाण, जमादार प्रदीपसिंग राजपूत हवालदार योगेश थोरात, घनश्याम सूर्यवंशी, किरण पावरा, दिनकर चव्हाण, भरत उगले, अजय चौधरी यांनी केली आहे. संशयिताकडून आणखी काही गुन्हे उघडकीस , येण्याची शक्यता असल्याचे निरीक्षक शिवाजी बुधवंत यांनी सांगितले.
✍संजय मोहीते शहादा
