नंदुरबार : चोरटे काय चोरून नेतील याचा काही नेम नाही. दुचाकीसह ट्राला चोरीला गेल्याच्या बातम्या आपण ऐकल्याचं असतील. पण नंदुरबार रुग्णलयाजवळून चोरट्याने चक्क पाण्याचा टॅँकर चोरुन नेला आहे. याप्रकरणी अज्ञात चोरट्याविरुद्ध गुन्हा दाखल करण्यात आला आहे.
याबाबत पोलीस सूत्रांच्या माहितीनुसार, नंदुरबार येथील शैलेशकुमार गाडीलोहार यांच्या मालकीचा पाण्याचा टॅँकर जिल्हा रुग्णालयाजवळ असतांना सदर ५० हजार रुपये किंमतीचा ५ हजार लिटर पाण्याचा टॅँकर चोरट्याने चोरुन नेला.
याबाबत शैलेशकुमार गाडीलोहार यांच्या फिर्यादीवरुन नंदुरबार शहर पोलिस ठाण्यात अज्ञाताविरोधात भादंवि कलम ३७९ प्रमाणे गुन्हा दाखल करण्यात आला आहे. पुढील तपास पोहेकॉ.रायसिंग वळवी करीत आहेत.
एमडीटीव्ही न्युज नंदुरबार
