छत्रपती संभाजी नगर- 23/6/23
शिवसेनेचे शिंदे गटाचे नेते संदीपान भुमरे यांच्यावर एका कार्यकर्त्याला शिवीगाळ करण्याचा आरोप होत आहे… या संदर्भातील कथित ऑडिओ क्लिप सोशल मीडियावर व्हायरल झाली आहे.. मुलाबद्दल अपशब्द काढल्यामुळे संदिपान भुमरेंकडून शिवीगाळ करण्यात आल्याचे म्हटले जात आहे.. मात्र दुसरीकडे हा आवाज आपला नसल्याचा दावा संदिपान भुमरे यांनी केला आहे…
आता WhatsApp वर मिळवा ब्रेकिंग न्यूज, जॉब अपडेट्स आणि महत्वपूर्ण माहिती! त्यासाठी क्लिक करा आणि जॉईन करा. https://bit.ly/3UoK7E0
ज्या तरुणाला शिवीगाळ करण्यात आली आहे त्याचं नाव बाबा साहेब वाघ असा आहे…
हे सुध्दा वाचा
Good News… राज्यातील सर्व आश्रमशाळांना मिळणार वॉशिंग मशिन | MDTV NEWS
नंदुरबार : पोलीस दलातील पाच अधिकाऱ्यांची बदली… |
काय आहे प्रकरण?
संदिपान भुमरे यांच्या पैठण मतदारसंघातील दरकवाडी गावात बाबासाहेब वाघ नावाचा तरुण राहतो. दरम्यान काही दिवसांपूर्वी त्याच्या गावात रस्त्याचे काम सुरु झाले होते. मात्र रस्ता न करताच पैसे उचलण्यात आल्याचा आरोप तरुणाने केला आहे. तर हे काम संदिपान भुमरे यांचे पुत्र विलास भुमरे यांचे असल्याचे गावातील लोकांनी सांगितल्याने आपण भुमरे यांच्या पीए यांना फोन करून कामाबद्दल विचारणा केली होती, असं मारहाण झालेल्या तरुणाचे म्हणणे आहे. दरम्यान, याचाच राग आल्याने भुमरे यांनी या तरुणाला शिवीगाळ केली. तसेच तुझ्या घरी येतो, असे म्हणाले. त्यामुळे आपण प्रचंड दहशतीत असल्याचं तरुणाने म्हटले आहे.
त्यामुळे शिंदे गटाच्या या मंत्राची क्लिप व्हायरल झाल्याने शिंदे गटाच्या या नेत्याची डोकेदुखी अधिकच वाढणार हे तेवढेच खरे मानले जाते..
एम डी टीव्ही न्यूज ब्युरो ,छत्रपती संभाजी नगर
