दुधाळे शिवारात घरफोडी करून एलईडी लांबविला

नंदुरबार- शहरालगत असलेल्या दुधाळे शिवारातील सुप्रिया नगरात चोरट्यांनी घरफोडी फोडून एलईडी टीव्ही चोरून नेल्याची घटना घडली आहे.

याबाबत पोलिस सुत्रांनी दिलेल्या माहितीनुसार, विशाल शिरीष वारूळे यांच्या सुप्रिया नगरातील घराचे दरवाज्याचे कडी कोयंडा तोडून चोरट्यांनी आत प्रवेश करीत घरातील सामान अस्ताव्यस्त करून 25 हजार रूपये किंमतीची एलईडी टीव्हीसह इतर साहित्य लंपास केला आहे.

याप्रकरणी विशाल वारूळे यांच्या फिर्यादीवरून नंदुरबार शहर पोलिस ठाण्यात अज्ञात चोरट्यांविरूध्द भादंवि कलम 457, 380 प्रमाणे गुन्हा दाखल करण्यात आला आहे. तपास सहाय्यक पोलिस निरीक्षक नंदा पाटील करीत आहेत.