Nandurbar News : नंदुरबार जिल्ह्यातील अक्कलकुवा तालुक्यातील अतिदुर्गम भागातील काठी येथील डॉ. गिरिम्या रोता राऊत यांची येथील प्राथमिक आरोग्य केंद्रात सामुदायिक आरोग्य अधिकारी म्हणून निवड झाली आहे.
गिरिम्या यांचे वडीलांचे लहानपणीच निधन झाले होते. त्यामुळे घरची आर्थिक परिस्थिती बेताची होती. त्यांनी लहानपणापासूनच हॉटेलमध्ये वेटर म्हणून काम करून पैसे कमवायला सुरुवात केली.
(‘एम.डी टीव्ही’ चं Facebook Group जॉईन करण्यासाठी येथे क्लिक करा)
गरिबीतून शिकून डॉक्टर होण्याचे स्वप्न त्यांनी बाळगलेले होते. त्यांनी आश्रमशाळेतून शालेय शिक्षण पूर्ण केले. बारावीत चांगले गुण मिळाल्यानंतर त्यांना छत्रपती संभाजीनगर येथील वैद्यकीय महाविद्यालयात बीएएमएसला प्रवेश मिळाला.
वैद्यकीय शिक्षण पूर्ण झाल्यानंतर त्यांनी धुळे आणि जळगाव जिल्ह्यात इंटर्नशिप पूर्ण केली. त्यानंतर अखेर त्यांच्या प्रयत्नांना यश आले आणि त्यांना सामुदायिक आरोग्य अधिकारी म्हणून नियुक्ती मिळाली.
- Trump Vs Modi : एका फोन कॉलची किंमत ५००% टॅरिफ? मोदी-ट्रम्प यांच्यातील ‘कोल्ड वॉर’ सुरू..!
- Maharashtra Expressway – ‘समृद्धी’नंतर महाराष्ट्राला मिळणार ‘पुणे-बंगळूर’ ग्रीन फील्ड…!
- Shreyas Iyer ची प्रकृती चिंताजनक सिडनीतील रुग्णालयात ICU मध्ये उपचार सुरू..!
- देशाचे ५३ वे सरन्यायाधीश कोण ? CJI Gavai यांनी सुचवले मोठे नाव..
- बारावीच्या विद्यार्थ्यांसाठी Maharashtra Schools चा मोठा निर्णय! एक्झाम फॉर्म भरण्यासाठी आता ‘या’ तारखेपर्यंत मुदतवाढ
डॉ. गिरिम्या राऊत यांनी आपल्या परिस्थितीवर मात करून डॉक्टर होण्याचे स्वप्न पूर्ण केले आहे. त्यांचा हा प्रवास इतर गरीब तरुणांसाठी प्रेरणादायी ठरेल.
“लहानपणापासून डॉक्टर होण्याची जिद्द मनामध्ये होती. आर्थिक परिस्थिती चांगली नसल्याने दोन पैसे कमावण्यासाठी हॉटेलमध्ये काम केले. आश्रमशाळेतून शालेय व महाविद्यालयीन शिक्षण पूर्ण करून डॉक्टर होण्याचे स्वप्न पूर्ण केले. याचे मला खूप समाधान वाटते. प्रत्येक तरुणाने स्वत:च्या प्रगतीत आर्थिक परिस्थितीचा अडथळा न मानता त्यावर मात करून ध्येय गाठले पाहिजे.” – डॉ. गिरिम्या राऊत, सामुदायिक वैद्यकीय अधिकारी, काठी अक्कलकुवा
