Nandurbar News: नंदुरबार शहरातील सहारा टाउनजवळील शुभम पार्क येथील एका घरात १६ लाखांचा अवैध गुटखासाठा जप्त करण्यात आला आहे. या प्रकरणी शहर पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, सचिन भगवान पाटील (वय ३५, रा. प्लॉट नं. १८ बी., शुभम पार्क, सहारा टाउनजवळ, नंदुरबार) याच्या घरालगत कंपाउंडच्या गेटमध्ये प्रतिबंधित पानमसाला आणि तंबाखूचा बेकायदा साठा केला होता. याबाबत गुप्त बातमी अपर पोलिस अधीक्षक नीलेश तांबे यांना मिळाली.
- Trump Vs Modi : एका फोन कॉलची किंमत ५००% टॅरिफ? मोदी-ट्रम्प यांच्यातील ‘कोल्ड वॉर’ सुरू..!
- Maharashtra Expressway – ‘समृद्धी’नंतर महाराष्ट्राला मिळणार ‘पुणे-बंगळूर’ ग्रीन फील्ड…!
- Shreyas Iyer ची प्रकृती चिंताजनक सिडनीतील रुग्णालयात ICU मध्ये उपचार सुरू..!
- देशाचे ५३ वे सरन्यायाधीश कोण ? CJI Gavai यांनी सुचवले मोठे नाव..
- बारावीच्या विद्यार्थ्यांसाठी Maharashtra Schools चा मोठा निर्णय! एक्झाम फॉर्म भरण्यासाठी आता ‘या’ तारखेपर्यंत मुदतवाढ
तांबे यांनी उपविभागीय पोलिस अधिकारी संजय महाजन तसेच शहर पोलिस निरीक्षक निवृत्ती पवार यांना आदेशित केले. तसेच, अन्न व औषध प्रशासन विभागाचे अन्नसुरक्षा अधिकारी आनंद पवार यांनाही माहिती दिली.
पोलिसांनी छापा टाकला असता पानमसाला आणि तंबाखूचा बेकायदा साठा मिळाला. संशयित आरोपी सचिन पाटील पळून जाण्याच्या प्रयत्नात होता, पण पोलिसांनी त्याला ताब्यात घेतले.
पाटीलला साठ्याबाबत विचारपूस केली असता तो उडवाउडवीची उत्तरे देऊ लागला. अन्न व औषध प्रशासन विभागाचे अन्नसुरक्षा अधिकारी आनंद पवार यांनी हा साठा जप्त केला.
