धुळे : बीटीआरआय, धुळे द्वारा शासकीय ओद्योगिक प्रशिक्षण संस्था, नंदुरबार येथे 10 एप्रिल 2023 रोजी प्रधानमंत्री राष्ट्रीय अप्रेंटीस मेळावा सकाळी 9.00 वाजता आयोजित करण्यात आलेला आहे. नंदुरबार जिल्ह्यातील शासकीय, अशासकीय आणि औद्योगिक कंपन्याचे प्रतिनिधी या मेळाव्यासाठी उपस्थित राहणार आहेत.
तरी किमान इयत्ता पाचवी उत्तीर्ण, आयटीआय उत्तीर्ण/अनुत्तीर्ण असलेल्या तसेच एम.सी.व्ही.सी. उत्तीर्ण/अनुत्तीर्ण, 10 वी व 12 वी उत्तीर्ण/अनुत्तीर्ण आणि पदविका व पदवीधारक उमेदवारांनी रोजगाराच्या संधीचा लाभ घेण्यासाठी सदर भरती मेळाव्यासाठी उपस्थिती नोंदवावी. असे आवाहन श्री. आर .एस. मानकर, जिल्हा व्यवसाय व प्रशिक्षण अधिकारी, धुळे व नंदुरबार आणि सहाय्यक प्रशिक्षण सल्लागार (तां.)बीटीआरआय, धुळे यांनी केले आहे. असे आर. पी. पगारे, सहाय्यक प्रशिक्षणार्थी सल्लागार, धुळे यांनी कळविले आहे.
एम.डी.टी.व्ही. ब्युरो नंदुरबार
