Nandurbar News : नंदुरबार जिल्ह्यात अवैध दारूच्या वाहतुकीवर पोलिसांनी कारवाई केली आहे. या कारवाईत 16 लाख 93 हजार रुपये किमतीची अवैध दारू जप्त केली आहे.
लक्कडकोट येथे नाकाबंदी करून अवैध दारू जप्त
नंदुरबार उपविभागीय पोलिस अधिकारी संजय महाजन यांच्या पथकाने नवापूर पोलिस ठाणे हद्दीत लक्कडकोट रस्त्यावर करंजी खुर्द गाव येथे अचानक नाकाबंदी राबवली. यावेळी पांढऱ्या रंगाची महिंद्र बोलेरो पिक-अप वाहन येताना दिसले. वाहन थांबवण्याचा इशारा दिला असता, चालकाने वाहन न थांबविता भरधाव पुढे निघून गेला. पथकाने बोलेरो वाहनाचा पाठलाग करून थांबवून पाहणी केली असता, त्यात १४ लाख ७६ हजार ४० रुपये किमतीची देशी दारू असल्याचे आढळून आले. या प्रकरणी सुरेश सरजा गावित (वय ३५, रा. सरी, ता. नवापूर) व सुनील रमेश गावित (२९, रा. धनबर्डी, ता. नवापूर) यांच्याविरुद्ध नवापूर पोलिस ठाण्यात गुन्हा दाखल करण्यात आला आहे.
नवापूरमध्ये स्कूटीवर अवैध दारू विक्री करणाऱ्याला अटक
स्थानिक गुन्हे शाखेच्या पोलिस निरीक्षक किरणकुमार खेडकर यांच्या पथकाने नवापूर पोलिस ठाणे हद्दीतील नवापूर ते लक्कडकोट मार्गावर नीलेशकुमार गोपूभाई कोकणी (४०, रा. आंबा (निशालफळी), ता. सोनगड, जि. तापी, गुजरात) हा स्कूटीवर देशी-विदेशी दारूची विक्री करताना मिळून आल्याने त्याच्या ताब्यातून दोन लाख १७ हजार ८०० रुपये किमतीचे देशी-विदेशी मद्य व बियर असा मुद्देमाल हस्तगत करून त्याच्याविरुद्ध नवापूर पोलिस ठाण्यात गुन्हा दाखल करण्यात आला आहे.
- Maharashtra Expressway – ‘समृद्धी’नंतर महाराष्ट्राला मिळणार ‘पुणे-बंगळूर’ ग्रीन फील्ड…!
- Shreyas Iyer ची प्रकृती चिंताजनक सिडनीतील रुग्णालयात ICU मध्ये उपचार सुरू..!
- देशाचे ५३ वे सरन्यायाधीश कोण ? CJI Gavai यांनी सुचवले मोठे नाव..
- बारावीच्या विद्यार्थ्यांसाठी Maharashtra Schools चा मोठा निर्णय! एक्झाम फॉर्म भरण्यासाठी आता ‘या’ तारखेपर्यंत मुदतवाढ
- सरकारी कार्यालयात ID Card नसेल, तर Government Employee च्या पगार कापणार? मोठा निर्णय
नवापूरमध्ये अवैध गावठी दारू तयार करणाऱ्यांना अटक
नवापूर पोलिस ठाण्याचे निरीक्षक ज्ञानेश्वर वारे यांच्या पथकाने नवापूर पोलिस ठाणे हद्दीत अवैध गावठी हातभभट्टीची दारू तयार करणारे व त्यांची विक्री करणाऱ्या पाच व्यक्तींविरुद्ध कारवाई करून त्यांच्याकडून २१ हजार ६०० रुपये किमतीचा मुद्देमाल हस्तगत करून त्यांच्याविरुद्ध नवापूर पोलिस ठाण्यात दारूबंदी कायद्यान्वये गुन्हा दाखल करण्यात आला आहे.
नंदुरबार जिल्ह्यात आंतरराज्य नाकाबंदी
नंदुरबार जिल्हा पोलिस दलाने नंदुरबार जिल्ह्याच्या सीमेलगत असलेल्या ठिकाणी आंतरराज्य नाकाबंदी केली आहे. या नाकाबंदीमध्ये पोलिस अधिकारी व पोलिस अंमलदार तैनात करण्यात आले आहेत. नाकाबंदीच्या ठिकाणी अधिकारी व अंमलदारांचे पथक २४ तास कार्यान्वित असून, गुजरातमार्गे राजस्थान व मध्य प्रदेशात जाणाऱ्या वाहनांची त्यांच्याकडून कडक तपासणी करण्यात येत आहे. अवैध दारूची चोरटी वाहतूक थांबविण्यासाठी व जंगल परिसरात लपवून दारूचा साठा शोधून काढण्यासाठी जिल्हा पोलिस अधीक्षक पी. आर. पाटील यांनी अशा ठिकाणांचा शोध घेण्यासाठी ड्रोन कॅमेऱ्यांची मदत घेतली आहे.
पोलिसांची कारवाई स्वागतार्ह
या कारवाईचे नागरिकांनी स्वागत केले आहे. नागरिकांनी सांगितले की, अवैध दारूमुळे समाजात अनेक समस्या निर्माण होतात. या कारवाईमुळे अवैध दारूच्या वाहतुकीवर अंकु
