भडगाव 🙁 Kajgaon )कजगाव तालुक्यातील पारोळा चौफुलीवर आज दुपारी दोन वाजण्याच्या सुमारास बस-दुचाकी अपघात झाला. या अपघातात दुचाकीवरून चालत असलेल्या 60 वर्षीय वृद्धाचा मृत्यू झाला आहे, तर 16 वर्षीय तरुण गंभीर जखमी झाला आहे.
मिळालेल्या माहितीनुसार, दुपारी दोनच्या सुमारास निंबा भिवसन कोळी (वय 60, रा. गुढे, ता. भडगाव) आणि प्रसाद रवींद्र चौधरी (वय 16, रा. पिलखोड, ता. चाळीसगाव) हे दोघे दुचाकीवरून गोंडगावहून कजगावकडे येत होते. त्याचवेळी पुणे-एरंडोल मार्गावरून कजगावहून भडगावकडे जाणाऱ्या एसटी बसला (क्रमांक MH 20 BL 2652) त्यांच्या दुचाकीला जोरदार धडक झाली.
- Maharashtra Politics: विधानभवनात खळबळ! शरद पवार थेट एकनाथ शिंदेंच्या केबिनमध्ये का गेले? या ‘सरप्राइज’ भेटीमागचा खरा गेम समजून घ्या!
- Trump Vs Modi : एका फोन कॉलची किंमत ५००% टॅरिफ? मोदी-ट्रम्प यांच्यातील ‘कोल्ड वॉर’ सुरू..!
- Maharashtra Expressway – ‘समृद्धी’नंतर महाराष्ट्राला मिळणार ‘पुणे-बंगळूर’ ग्रीन फील्ड…!
- Shreyas Iyer ची प्रकृती चिंताजनक सिडनीतील रुग्णालयात ICU मध्ये उपचार सुरू..!
- देशाचे ५३ वे सरन्यायाधीश कोण ? CJI Gavai यांनी सुचवले मोठे नाव..
अपघातात दुचाकीस्वार निंबा कोळी आणि प्रसाद चौधरी हे दोघेही गंभीर जखमी झाले. त्यांना ग्रामस्थ आणि नातेवाईकांनी रुग्णवाहिकेच्या माध्यमातून चाळीसगाव येथील खाजगी रुग्णालयात दाखल केले. मात्र, निंबा कोळी यांची प्रकृती चिंताजनक असल्याने त्यांना धुळे येथे पुढील उपचारासाठी हलवण्यात आले. मात्र, रस्त्यातच त्यांचा मृत्यू झाला.
अपघातातील तरुण प्रसाद चौधरी याची प्रकृतीही चिंताजनक असल्याची माहिती मिळाली आहे. अपघातामुळे पारोळा चौफुलीवर काही वेळ वाहतूकीची कोंडी झाली होती.
पोलिसांनी अपघाताचा पंचनामा करून पुढील तपास सुरू केला आहे.
सतीश पाटील भडगाव तालुका प्रतिनिधी
