नंदुरबार : धडगाव तालुक्यातील तोरणमाळचा विंददेवपाडा येथे भांडणाच्या कुरापतीतून एकावर कुऱ्हाडीने वार केल्याप्रकरणी सात जणांविरोधात गुन्हा दाखल करण्यात आला आहे.
याबाबत पोलीस सूत्रांच्या माहितीनुसार, धडगाव तालुक्यातील तोरणमाळचा विंददेवपाडा येथील सुदाम दिला चौधरी हे एका कार्यक्रमात ढोल वाजवित असतांना भांडणाची कुरापत काढून काहऱ्या मोमदा नाईक याने कुऱ्हाड व जहागऱ्या मोमदा नाईक याने तार गुंडाळलेला बांबू सुदाम चौधरी यांच्या डोक्यात मारुन दुखापत केली.
आता WhatsApp वर मिळवा ब्रेकिंग न्यूज, जॉब अपडेट्स आणि महत्वपूर्ण माहिती! त्यासाठी क्लिक करा आणि जॉईन करा. https://bit.ly/3UoK7E0
तसेच मनोज मोमदा नाईक, मोमदा तिडक्या नाईक, शिवराम काहऱ्या नाईक, सुभा काहऱ्या नाईक, मुक्शा जहागीर नाईक यांनी काठ्या व बांबूने मारहाण केली. याबाबत सुदाम चौधरी यांच्या फिर्यादीवरुन म्हसावद पोलिस ठाण्यात सात जणांविरोधात भादंवि कलम १४३, १४७, १४८, १४९, ३२६, ३२३ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक किशोर बडगुजर करीत आहेत.
एम.डी.टी.व्ही. न्युज ब्युरो नंदुरबार
