नंदुरबार : तालुक्यातील फुलसरा येथे लग्नाच्या हळदीच्या कार्यक्रमात रात्री उशिरापर्यंत विना परवाना वाजंत्री वाजविल्याने तिघांविरोधात गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, नंदुरबार तालुक्यातील फुलसरा येथे लग्नाच्या हळदीच्या कार्यक्रमात विना परवाना बेकायदेशीररित्या रात्री उशिरापर्यंत वाजंत्री वाजवून मोठमोठ्याने गाणे लावून नाचतांना आढळून आले.
याबाबत सहाय्यक पोलिस उपनिरीक्षक वंतू गावित यांच्या फिर्यादीवरुन उपनगर पोलिस ठाण्यात मच्छिंद्र हुपा नाईक, धरमसिंग शिवदास पाडवी व योगेश राजू वळवी यांच्याविरोधात महाराष्ट्र पोलिस अधिनियम ३८ (१) (क) १३६ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक पानाजी वसावे करीत आहेत.
एम.डी.टी.व्ही. न्युज ब्युरो, नंदुरबार
